丘嘉滎

今期雖然係首次黃昏賽事，但戲碼都幾沉悶，除咗第二場四班千二水準唔高之外，以往兵家必爭嘅三班千四都冇乜邊隻揀得上手，「神馳」睇落有近績，但配布文排外檔分分鐘又三疊，不如揀返呢兩場無認真跑嘅「光年八十」。

該駒曾經以69分贏馬，不過季初無乜狀態多次輸得遠，到季中爆冷同「至尊高超」串Q，本身以為形勢造就，但翌仗再同「神馳」串Q跑贏「膨才」，證明健康同狀態都返咗嚟，但前仗潘頓接手「光年八十」，早段跟快步速不過末段被其他馬阻一阻就無乜點騎，上場排1檔點知慢閘敗績可抹去，「光年八十」今次雖然排10檔但同場無乜快馬，就算放唔出都應該埋到二疊，今次對手唔強可望坐正！