周三快活谷九場草地賽事
場地預測：好地
開跑時間：晚上6:40分
練馬師陣營青黃不接，因此馬會近年將練馬師退休條件一改再改。文家良乃受惠者之一獲特別處理，相信與「金鑽貴人」有莫大關係。文家良近期成績不差，已連續五期有馬贏，目前已贏三十五場，手風超順，今晚要留意佢嘅「紅海勁」。
「紅海勁」前季三歲時初出已在谷草一哩有獎金，初時評估大有前途，只是其後跑落不似預期。不過上季卻獲多次上名紀錄，表現唔算失望。尤其402場易配潘頓，因應外檔改以留後跑法卻出奇地好，若非直路一度受阻轉跑線，絕不會負於「開心勇駒」得第二，後駒上到三班亦有好表現，至於459場「紅海勁」則僅輸畀當時甚銳嘅「建測羣英」，水準超高。「紅海勁」之後戴咗羊毛面箍，雖然表現曾走樣，但除咗呢個無用嘅配備後，即再喺谷草一哩再獲亞季各一次。
「紅海勁」今季轉五歲成熟更進，首戰已建功打破悶局，開竅後更加神勇，先跑獲亞季殿各一，接住463場更再度贏馬，雖然贏得驚險，但亞季軍「連連歡呼」、「寶成智星」之後都交出佳績，是極高水準頭馬。「紅海勁」近期表現雖然唔起眼，看似評分已盡行人止步，但其實場場遲遲先至達得着，根本再跑一哩已嫌短，呢次扳上千八對症下藥，加上有輕磅之助，千祈咪睇小。
評論