「天時明駒」盡地一煲

周六沙田十一場泥草地賽事

場地預測：泥地：好地

　　　　　草地：濕慢地

開跑時間：下午12:30分

今屆冠軍練馬師之爭漸趨白熱化，十二屆香港冠軍練馬師蔡約翰現時已拋離眾人，加上廄內仍有不少質新賽駒，如無意外應該可重奪冠軍殊榮。不過，希斯的優質新馬亦多，若這些年輕分子能在餘下時間爭取更多頭馬，今日蔡約翰雖然派出強陣應戰，擺明車馬大舉出擊，但希斯手馬亦唔弱，當中「天時明駒」必要吼實。

「天時明駒」首季演出並不標青，從未殺入三甲，上季迅即落到五班，可是依然差勁，直至評分減到二字頭有點進展，減至二十六分跑谷草一哩終打開勝門。過往失色不濟，主因慢熱未踏正軌，今季更去到最佳時候，配合埋有利評分，加上改攻泥地效果理想，取得三捷佳績。

該駒近四仗雖然未能再贏，但471場跑第五輸不夠兩個馬位，翌仗更再上名拚獲季軍，前仗怯於「超加加」一放了事，上仗排大外檔放唔出形勢麻麻，但竟再次跑獲季軍難度唔低，顯示目前評分仍未具阻力。「天時明駒」連場硬仗毫無疲態，最近在從化仍然例課無缺，繼續施以辣操，配合主動煞食跑法，再跑泥地一哩繼續看好理所當然。