香港文匯報訊（記者 子棠） 第二季《電笠：人人和音 SCHOOL TOUR》在過去兩個多月，邀請多位歌手及香港運動員接力走訪全港13間中學，近距離與同學們分享「自我推動術」。胡子彤早前與林愷鈴、張蔓莎及CY陳宗澤一同現身五育中學，而黃明德、黎展峯與三鐵混合接力香港代表羅亮添就到基督書院，眾人以音樂與經驗之談與學生交流，提供他們的個人成長心法。
既是現役香港捧球員，亦是教練、演員及歌手的胡子彤先為同學們獻唱新歌，與學生互動時，更有同學主動索取簽名。身兼多職的胡子彤坦言，即使要犧牲睡眠時間，也要成就自己熱愛的事：「演員、棒球甚至我教嗰班學生，都係因為我好鍾意佢哋、好鍾意呢樣嘢，所以我唔介意犧牲瞓少啲去做，我相信你哋都一定搵到！儘管後悔又好、犯錯都好，一定會有成長！喺球場上無拘無束去做自己，唔需要擔心外界點樣去望你、去講你，嗰個時間係我最舒服嘅。」
本身是學霸，同時擁有六級鋼琴、八級聲樂資格，並涉獵中、小提琴、非洲鼓、劍擊、騎馬等多種活動的林愷鈴，分享自己的獨門激勵法時說：「我學習嘅習慣係，睇吓人哋點樣學嘢，喺人哋嘅模式入面，搵一個屬於自己嘅模式。學術方面，我唔會逐句逐句抄，但係會記住每個步驟係做緊咩。」至於張蔓莎，提醒同學溫習的同時，亦要讓自己好好放鬆減壓，給時間與自己相處，享受「Me time」。
CY陳宗澤曾經不勝壓力暴肥20磅，直指人生路上必然有很多抉擇與猶豫：「會諗自己得唔得，但係最後一定係你嘅心態！」他明白要打從心底說服自己，不是容易的事，透露自己的辦法是瘋狂自我洗腦：「你要同自己講『你一定得！你一定得！你一定得！』洗到自己盲目，盲目到你相信自己一定得。」
黃明德及黎展峯聯同三鐵混合接力香港代表羅亮添到訪另一校園。現年21歲的黃明德笑言以「唔係咁好嘅習慣」鞭策自己：「要令自己自律，我會同人比較，因為你會想追上去，你愈想追上去就會愈鞭策自己！」反觀27歲的黎展峯，認為既然滿足不到所有人，最重要還是去做自己滿足與喜歡的事。
評論