香港文匯報訊（記者 子棠）鄭秀文（Sammi）昨晚在澳門舉行第七場《You & Mi鄭秀文澳門演唱會2025》，邀請衛蘭（Janice）擔任表演嘉賓。
表演嘉賓環節，Sammi以「好唱得」介紹Janice出場，引得全場尖叫，二人手拖手合唱《親密關係》。當Janice讚Sammi每晚啲衫都好靚，Sammi風騷笑說：「我真係好靚嘛，人靚就着咩都靚！」Janice感謝Sammi對自己的鼓勵說：「你畀咗好多信心，好多年前鼓勵我去keep fit，我真係好努力做gym。（見你有舉重？）好多謝你，就係Sammi團火好感染到大家！」令Sammi即興唱了幾句《我的熱情好像一把火》。Sammi又對Janice說：「我係睇住你出道和成長，尤其呢幾年喺樂壇成績咁好，仲穿州過省做咁多場演出，真係戥你開心。Janice內斂和斯文，我哋還有共同信仰，所以特別投契。」Janice笑問Sammi是否「I人」？Sammi幽默道：「我I㗎，in between啦，揈嚟揈去，M到就I㗎啦！」Janice再表示很感恩成為Sammi嘉賓、大讚Sammi的歌和演唱會都好正；Sammi就自言年紀大了，不知道精力還能唱到幾時；Janice即謂：「Keep住呀，我哋都好需要你！」
另外，在「眼淚系列」環節，Sammi穿上殿堂級時裝設計師Tomas Chan為她度身訂造，充滿淒美意境的「五臟六腑血管流淚裙」，令她愛不釋手。Sammi說：「多謝Tomas Chan精心為我設計，有胸、胃、子宮、腎等五臟六腑，用咗好多人手去縫製。Tomas Chan嘅寓意係傷心到五臟六腑都識得流眼淚，呢條裙我特別鍾意，好靚！」
臨近尾聲，Sammi唱畢《唯獨你是不可取替》後說：「人生裏面，我哋都有屬於自己嘅故事，喺一段關係入面都有當中嘅苦和甜，我覺得人生經歷過咩嘢都唔重要，最重要係經歷過後體會到咩嘢，同埋回頭望發現係一場好美麗嘅祝福，所有嘢都變得更加好。」然後許志安升上台，鋼琴彈奏《世紀末煙花》，Sammi說：「我想講，我好幸福，多謝你哋！」全場拍掌和歡呼聲。然後Sammi一聲「安仔」後，安仔甜笑點頭並接着合唱，場面溫馨。
評論