丘嘉滎

今期嘅季內最後一場一級賽，二千四百米嘅渣打冠軍暨遮打盃，有時度中長途賽事嘅步速都度到頭痛，好似最近嘅谷草一哩幾乎次次都快步速咁滯，而田草反而快馬較少，步速慢外疊馬相對無咁蝕，好似之前嘅「八仟財陞」咁，初上千六就即刻克服，今次「八仟財陞」繼續挑戰高難度，加程四百米上二千挑戰，睇隔夜賠率竟然同「共享富裕」差唔多，咁好似後駒抵玩啲。

因為始終「共享富裕」前一場發燒後復出，依然以大熱門身份輕勝而回，至於上仗匆匆再出，則受制於內檔及偏慢步速，直路困塞之下後追不及，但望空後走勢越來越強，今次同場快馬唔多，就算「奔放」再領放相信步速都會快得去邊，而「共享富裕」本身有質素，肯定仲有上望空間，而且有繼續做工夫，可期望喺外疊一衝而過！