香港文匯報訊（記者 阿祖）由文創產業發展處(文創處)策劃、電影發展基金資助的全新「九龍城寨光影之旅」電影場景展今日正式開幕。這個以金像獎最佳電影《九龍城寨之圍城》為主題的電影場景展，戲中三位主演的伍允龍、張文傑及胡子彤齊出席，並一同參觀展覽，包括「七記冰室」、「龍城髮廊」、「士多」以及「城寨光影天台」等場景，更勾起了各人於拍攝時的難忘回憶。
張文傑笑言首次來到九龍城寨公園，當參觀完「九龍城寨光影之旅」電影場景展也勾起了一點點回憶：「好開心場景入邊冷氣好充足，可以影嚇相hea嚇，都係一個好好嘅旅遊景點。」伍允龍表示之前在Airside展覽他都去參觀過，感覺今次更大型：「我最鍾意天台個位，好似飛機飛過舊機場嘅景況，好得意！」胡子彤表示於機場及Airside的展覽他也有去看過：「其實我細個也有來過城寨，但以前唔知道有咁嘅歷史，到拍完部電影，再將展覽放喺呢度，好似做咗一件歷史創舉，從電影帶到香港文化歷史，吸引到觀眾最緊要，可能本地後生嘅小朋友唔知呢件事，可以嚟睇嚇之餘，亦能夠吸引多啲外國觀眾支持香港電影同旅遊事業，所以呢個展覽好重要。」今次「九龍城寨光影之旅」獲選為9大旅遊熱點之一，子彤說：「今次電影好似完成歷史壯舉，自己有份參與好開心，但呢個係整個團隊嘅功勞，並唔係個人嘅！」張文傑亦表示拍攝該片之初沒想過可以藉電影帶動旅遊，一路走來從夢幻變成多了一份責任去推廣香港，每次有機會都會盡量去做。
當提議他們開間食店賣叉燒飯帶動經濟？胡子彤直言這是個很好的商機，拍完電影之後曾想過在九龍城開主題咖啡店。會否游說老闆古天樂投資做大股東？他表示要看古老闆有否興趣：「但呢個真係一個商機，我見到好多餐廳嘅菜牌都有『城寨叉燒飯』，滲到入去都係好事。」但會否將電影衍生的產品註冊專利？他說：「我哋只係小朋友，呢啲交畀公司搞，我哋負責食，不過四仔面具、王九眼鏡同十二少髮型可以申請專利，不過都交由電影公司處理。」今日開幕禮上，《九龍城寨之圍城》老闆之一的林建岳透露將開拍第二及第三集，張文傑表示有收到通知，但未知真正開拍時間，他也很期待亦做定準備，希望拍攝可以順順利利。」至於伍允龍戲中角色已死，他是否將以新角色亮相？他表示演員向來很被動，都是等公司通知，能演過「王九」這角色第已經很開心，亦相信這角色有機會與大家再見面。
此外，好兄弟林峯正舉行演唱會，三子早巳拍下搞笑短片在演唱會播出，有機會都會上台做嘉賓，胡子彤表示首場他有去捧場，笑問他是為表演嘉賓周秀娜而來？他即時否認說：「我當然去睇阿峯，佢染咗髮仲靚仔過平時，我差啲認佢唔到！」又談及被稱為「都市傳說」的《尋秦記》電影版終傳出計劃今年上映的消息，張文傑表示已經預訂爆谷入戲院支持，鬍子彤笑說：「天命最高啦，終於上啦！」
伍允龍日前被網民拍下與年輕女生同遊主題樂園。被問是否有新戀情？伍允龍回應說：「唔講太清楚啦，嗰日同朋友一齊Enjoy咗一日好開心。」拍拖會否公布？他表示拍拖與否也不會特別去公布，影到清清楚楚才會講。要恭喜你？他說：「依家認識中。」女方是否年輕的女生？他笑言：「我諗啲相唔係好清楚，佢又唔係好大個！」當問對方是否圈中人？他表示大家將來便會知道。
評論