【欄邊老司機】「金牌活力」硬淨

魯斯基

尾場「金牌活力」為四歲澳洲自購馬經過差不多一整季適應水土後，前仗終於喺田泰安策騎並且排得二檔好位，在四班谷草千二米打開勝門，剛戰回升上三班後，人馬再爭同程不過卻排九檔，檔位形勢欠佳下最終僅負馬頭位俾班內谷草千二米實力指標嘅「鈦易搵」，經已盡顯出「金牌活力」現時喺三班孭輕磅仍有一爭之力，兼且跑法亦見機動未必一定要擺前走，呢次排中檔起步，同場應多馬搶放，此駒有能力後發先至再爭頭馬。