兆 文
第一場第四班1200米。「寶進」初出跑1000直路賽得第五，雖然三甲不入，但卻在末段狂追，走勢甚有睇頭，翌戰梁家俊接手再跑該路程，稍稍跟前立即上名，頭馬「快靚旺」造出今季該路程最快時間贏馬，實力大超級，亞軍「金金小子」再出大熱補中，賽事水準極高。「寶進」連番追得好，增程跑1200當然更合發揮，前仗贏田草1200唔意外，吸引在變陣改用搶放跑法，上仗未能添食，初跑谷草並負頂磅情有可原，相對仍跑到第四合格有餘，已有路程經驗，今仗可接再厲更落在弱組，再贏可期。
第八場第三班1200米。「皇仁歡星」今季八場賽事當中，有六場排10檔或以外，結果居得兩贏兩位，其中345場贏條件賽，衝刺如箭固然精彩，該仗亞季軍「但求開心」和「舉步生風」，目前分別高達84及103分。
「皇仁歡星」大前仗排14檔，沿途三疊望空，入直路沒有跟散，直路更可與三班上風馬「不同世界」收窄距離，前仗際遇更差，排13檔早段人馬角力，導致末段一滴都無。上仗終於抽中有史以來最靚檔位，但可能搶口搶上癮，大半程搶口，比去前仗更難操控，因此大敗而回。今仗會否重踏覆轍？老實講真係不得而知，不過除去鼻箍用意向好，而且最近試閘除此配備再冇搶口了，更吸引「皇仁歡星」當時到谷草出試之餘，直路上一直都跟住馬屁股跑，不用望空走勢露光。
評論