香港文匯報訊（記者 阿祖） 歌手陳健安（安仔）、導演陳德森及童星黃梓樂等今日出席「自殺守門員網上課程」啟動儀式。安仔擔任活動表演嘉賓，以歌聲向年青人發放正能量。
安仔表示自己都試過情緒低落的時候，當年從C Allstar獨立「單飛」做歌手，竟一度失聲，雖然未曾想過要做傻事，但心情極度低落，幸他懂得求救，發現原來有很多人愛惜自己：「所以當一個人充滿負能量時，亦唔好逃避，否則會壓力爆煲，我都係搵朋友去呻嚇講曬出嚟，當時我都有喊，喊完個人感覺輕咗好多，有好多人話男人唔可以咁渣唔好喊，其實係冇性別之分，要將本能釋放！」而他遇上問題，多會做瑜伽、冥想和把問題寫下來，再想方法逐一解決。
問到又有否歌迷情緒出問題向他求助？安仔直言亦曾有歌迷私訊他表示有輕生念頭，他便分享其歌曲，又送上擁抱表情符號公仔為對方打氣，之後再叫公司同事去跟進幫忙，安仔說：「我常說自己係樹窿，有心事可以對我講，我會好好聆聽，而且私訊方式有種距離感幾好，唔使面對面講咁尷尬，可以俾對方有點空間，有時知道歌迷聽咗我啲歌可以釋放到情緒，都令我做歌份外有滿足感。」
評論