香港文匯報訊 （記者 子棠） 袁詠儀（靚靚）、陳峰、童繽毓和黃潔琪 （Miko）專程在今日母親節為主演的電影《OMG! 阿媽有喜》舉行首映禮，眾人除了逐一向天下母親送祝福，陳峰更向片中太太靚靚送上鮮花歌頌做媽媽的偉大；而靚靚就笑言兒子有約，佳節當前唯有「黐實」老公張智霖（ChiLam）睇《中年好聲音3》總決賽。
靚靚和ChiLam的兒子張慕童（Morton）已快將19歲，靚靚笑言雖然是母親節，但兒子早已有約，所以晚上要「黐實」為《中3》擔任評審的老公睇決賽共度節日。
問到兒子是否陪女友的媽媽過母親節？靚靚笑謂：「應該唔會啩！正確形容應該是『好』朋友，亦應該未去到陪對方家長過節的程度，不過沒辦法，仔大仔世界，我只見過位女仔一面。（父子那個眼光好？）大家都有傾談過準則，我都有笑阿仔有異性冇人性，他反問我是什麼…不過兒子已年長，很應該認識自己的朋友擴闊生活圈子，做媽媽的必須放手，而且我都不能爆兒子的料太多，作為媽媽的在適當時候要放手…總之做媽媽就難，問得多嫌煩，唔問又說唔關心。」
靚靚續指，不會為兒子交朋友呷醋，因其實兒子已跟她說過母親節快樂，並且知道父子二人都有商量如何為她慶祝，所以都很期待。
至於來自馬來西亞的Miko則表示會向片中的媽媽（靚靚）送飛吻，但親生媽媽就要候補食飯慶祝，並指每天都想念媽媽，不只在母親節，獲靚靚大讚乖女。Miko又指慶幸胞姐已婚，所以媽媽不會向她催婚，並透露稍後會到菲律賓拍攝旅遊節目。靚靚亦高興指拍攝期間大家合作愉快，融入到像一家人似的，自己亦趁機會了解現在年青人的想法，笑言：「套了很多料。」
問到如果票房理想會否母女檔齊齊三點式泳裝報捷？靚靚豪氣道：「阿女穿短裙，由我來露三點，因為露那三點無需說明，哈哈。」
評論