香港文匯報訊（記者 吳文釗、子棠、梁靜儀 澳門直擊）魏浚笙（Jeffrey）日前在海上拍戲遇意外，下巴、頸部動脈出現多處血痕，今晚他亦有負傷出席活動，見到他的傷口位置貼上了大膠布，但精神看來不俗，問到傷勢情況？Jeffrey透露康復中，每日都要去消毒，但都OK。他又重當日提受傷經過：「現在拍一部以運動為題材的電影，戲中我要做無繩滑水，當時因為跌咗落水時，被條繩翹咗一個圈，勒住咗幾秒鐘，一上水時劇組已即刻幫我消毒，當下自己都有少少驚，但上船見到流晒血都嘩咗一聲，睇醫生唔使縫針，照過啲骨無事。」問到那刻可驚窒息？他承認有驚過，但很快便鬆開條繩，原本套戲仲有3日就煞科，現要補拍該鏡頭，但導演好好，讓他好返至拍，所以現時會好乖去消毒。問到他可驚會留疤痕？Jeffrey笑道：「唔驚，男人有一兩條係OK，大條啲都冇問題。」問到戲中可有起用替身？他說：「好少用到，因唔係特別難嘅動作，不過意外話唔埋，至於身體狀況，現在唔可以跑步，但可以如常舉重。」
小方秒答生蛇B很夾
方力申（Alex）於今年2月14日情人節宣布婚訊，與細14年圈外女友葉萱（Maple）於美國加州舉行婚禮，二人結婚不久就傳出Maple懷孕喜訊，未有偕同太太出席活動的小方，被問到是否太太如傳聞中有喜？他即否認道：「唔係，（未講得住？）唔係呀，只不過今日只係來工作，（面露幸福笑容？）認識我耐嘅朋友都知我係開心果，生小朋友的確係夢想，不過呢方面都係隨緣，當然係越快越好，真係要睇天時地利人和。」當問到蛇B與他可夾時，小方即秒速回答：「夾。」
評論