丘嘉滎

潘頓今期接手一對希廄四班千四馬，近仗跑得好梗係上仗入Q嘅「紫荊拼搏」，不過馬匹成日落飛，而且主要對手「紅衣醒目」排大外檔，預計「紫荊拼搏」都會落飛落到兩三倍開跑，咁不如吼吓另一組嘅「奔妙星」。

呢匹馬季初評48分曾力壓「堅闖」贏馬，當時馬匹排大外檔留後競跑走勢凌厲，可惜之後「奔妙星」運氣麻麻成日抽10檔以外，唯一一次排好啲嘅8檔就同「但求開心」串位置Q，「奔妙星」就算轉程同轉場都係離唔開抽外檔嘅命運，無論係谷草一哩或田草千二都排12檔，不過馬匹每次都交出不俗走勢，今次「奔妙星」換人終於搣甩噩運，而且同場有「手到齊來」、「帥炸」及「彭玥」等前置馬，「奔妙星」配潘頓排2檔唔使留咁後，而且評分回落至有利水平半冷可敲！