香港文匯報訊（記者 梁靜儀）陳豪以《白色強人II》李文信醫生身份驚喜客串《虛擬情人》，網民大表驚喜，更被揭拍戲前一行為超友善。
王敏奕與朱敏瀚主演的《虛擬情人》，昨晚播出第四集，劇情講到心地善良、思想單純的Adam（朱敏瀚飾）走出現實世界後，感覺到三名鐵粉心心公主（吳文懿 飾）、Audrey（楊卓娜飾）及歐陽潔伊（鄧伊婷 飾）似乎各有難處及奇怪點，遂嘗試深入了解三人…其中長期備受肥胖及自卑問題困擾的心心，因暴飲暴食兼亂食減肥藥昏迷送院，因而遇上李文信醫生（陳豪飾），李文信醫生不忍心心自暴自棄，嚴厲地教訓了心心一餐，最後更給了心心愛的抱抱，場面溫馨。
陳豪受訪時談到場口有「愛的抱抱」時，佻皮地回應：「我諗我嘅角色就係要畀人攬攬。」再次穿起《白色強人II》戲服，他形容回憶返晒嚟：「我今次主要係要演到醫者父母心嘅感覺，我會教訓同埋鼓勵心心，我都好期待自己可以喺劇入面發揮到咩作用。」
有幸與視帝陳豪同場演戲的吳文懿，一度興奮到手震，她說：「要同我細細個睇電視就好鍾意嘅陳豪合作！當收到劇本嗰刻，我攞住電話足足尖叫咗三分鐘（阿媽以為我撞邪）記得同Moses哥（陳豪）對戲，對手仲震過打冷震機，佢真係好好人，唔會畀壓力，好Nice咁同我傾偈，畀我好放鬆咁樣去做戲。」
對於陳豪昨晚以《白色強人II》角色李文信醫生客串劇集，網民大表驚喜，原來全因監製瑋澄曾為《白色強人II》擔任導演，因而認識陳豪，而《虛擬情人》是瑋澄處男監製作品，他遂膽粗粗邀請陳豪以彩蛋身份客串，豈料陳豪爽快答應演出，認真有情有義。其實除了陳豪，何晉樂及香港運動科學學者雷雄德雷Sir亦有份客串演出，而今次更是雷Sir首度參演劇集。據知，瑋澄還邀請了另一位曾在《白色強人II》中合作過的演員在《虛擬情人》結局周中客串。
評論