香港文匯報訊（記者 梁靜儀）古天樂（古仔）與袁澧林主演的新片今日正式上映，日前兩人接受訪問，古仔大談曾面對人生最大的扶擇。
戲中飾演救護隊目馬志業（馬Sir）的古天樂，談到拍攝時的難忘場面，透露是講述救護員在地盤急救被鐵支插穿肺的南亞裔人一幕，若等候消防員到場恐怕會令情況危怠，於是要用電鋸鋸開鐵支，雖然未至於血淋淋，但他回想起來都覺得幾恐怖。
說到坐救護車經驗，古仔想到年輕時被貨車撞倒要上白車的神奇事：「中五畢業嗰年太開心，過馬路時被一架貨van撞到，架貨van車頭撞到爛晒，個司機瞓咗喺軚盤上，我就瞓喺地下，件衫爛晒，暈咗五至十秒後就醒返起身，跟住坐救護車入醫院縫針，現在仲有撻疤。」古仔又稱雖然未有曾想過當救護員，但就大讚救護人員很專業，很尊敬他們。
問到古仔人生遇過最大的抉擇，古仔想起老父當年第一次中風：「當時我拍緊電視劇，去到急症歷室，醫生話阿爸救唔到，叫我哋有心理準備，阿媽就同我講話人生都未試過去旅行，應該同唔到我阿爸坐飛機去旅行，我就許咗個願，呢世人都唔會再食牛肉，之後阿爸就冇事，我都有成30年冇再食牛扒，當時都係一個大決定。」無牛肉不歡的古仔，笑言自己是食牛扒長大的人，這都是跟阿媽的廚藝有關：「因阿媽以前煮餸唔叻，就會煎牛扒畀我食。」
飾演急症室護士的袁澧林，慶幸現實中未試過要坐救護車，但之前在台灣拍戲就試過：「我個角色係要昏迷被送入醫院，我發現救護車上啲機關好勁，儀器齊全又先進，單係張床都幾十萬。」她又形容今次有個很大嘗試，就是有很多講粗口對白。
古天樂
Hair： Dan Tam @ O4
Make up：Carman Man
袁澧林
Make up：Jenny Shih
Hair：Lupus_chui@ orient4
Venue：The Mira Hong Kong
評論