獎星演出準放心捧

周三快活谷九場草地賽事

場地預測：好地

開跑時間：晚上6:40分

一二年馬季羅富全成功封王，更摘下九十W，後遺症便是元氣大傷，翌季成績倒退至六十五W，爛攤子更延續至上季，只有四十六勝， 比起成績最差嘅一九至二零馬季只多兩W。幸好，全哥今季回復強勢，儘管季初手風差，要等到十月六日先至開齋，不過此後成績不俗，目前已贏三十九場，近期更頻頻有斬獲。今晚羅廄又有「獎星」呢匹餐士馬列陣，大有機會增添進頭馬。

「獎星」以自購馬身份來港，首季佳作欠奉歸咎於未適應水土，上季初其表現依然未有起色，直至季中減至四十五分以下才大有進展，連續三仗拼入前四名，去到三月尾初落五班，更打開勝利之門。

「獎星」贏馬後未能添食，不過次次躋身前列持續見好，來到今季同樣準繩，但跑法再不是前置均速，而是早段不騎都唔走，擺明落腳轉慢，亦因此254場改攻同程谷草千八即再次得手。翌仗「獎星」轉泥不合票數冷落，少有季內演出差勁，同時以為評分見盡八九，但348及上仗574場皆出戰同程，結果全有好表現，尤其上仗只不敵「香港神駒」短馬頭，足見目前分數仍然有利，呢次兩駒再遇，「獎星」當有權反先「香港神駒」。