丘嘉滎

今期冠軍賽馬日大馬房一早部署好強陣出擊，除咗爭冠軍嘅蔡約翰之外，希斯幾乎場場都有參戰馬咁滯，希望喺大賽日爭取到好成績，睇返希廄嘅陣容，「東方飛影」、「嘉冠王」、「天星」等全部都係上仗上名馬求補中，不過頭場除咗「東方飛影」之外，希斯次選嘅「青春力量」同樣不能睇少。

該駒今季喺五班千六大勝而回，及後喺谷草贏四班一哩都係排喺靚檔，「青春力量」韁口麻麻通常都要形勢配合，不過近日馬匹韁口乎似轉好，前仗「青春力的量」初跑二千望空兼蝕快步速都捱到獎金名次，上次轉長跑谷草千八，騎師已經好好心機攝位，可惜第4段時間偏慢搞到「青春力量」喺馬群中困塞，今期轉跑沙田千八米排1檔，有「東方飛影」開路，「青春力量」好大機會再守食胡位贏馬！