丘嘉滎
最近成日話高班賽唔夠馬跑，而家連三班都開始出現呢個情況，好似今期三班千二米賽事，喺無拆組嘅情況之下都係得9匹參戰馬，而且各有缺點，例如「運高八斗」缺咗9日課，「電源之駒」同「佛亮老撾」近仗跑啱晒都贏唔到三班賽事，相比之下，「無限美麗」上場氣管多血起碼有得解。
「無限美麗」今季小休一輪喺二月復出即蝕位走近，及後兩場都跑得好，一場喺落雨場地同「好友心得」串Q，前仗跑好至快地於快步速造快末段時間贏馬，顯示「無限美麗」可應付不同場地，上場馬匹突然換金誠剛，兼賽後驗到氣管多血敗不足據，今仗重配贏馬拍檔艾道拿兼排四檔容易發揮，「美麗」系同有仲有「一起美麗」齊齊出擊，串埋「無限美麗」過關有得諗！
評論