近年「非凡哥」麥長青（麥包）北上發展，穿州過省走遍大江南北食盡珍饈百味，除了不時拍攝旅遊飲食節目，亦經常在小紅書分享在內地及本港的「搵食」短片，是各大網民北上覓食的「盲公竹」。五一假期將有不少內地人赴港旅遊，早前他接受《香港仔》獨家訪問，除了推薦平靚正地道小店，又分享「搵食」樂趣。麥包坦言香港食海鮮「冇得輸」：「我無論去內地、新加坡、馬來西亞都不及香港，我哋啲廚師處理海鮮食材及煮法都有一手，蒸魚運用蒜頭令味道提升，所以香港嘆海鮮真係無敵！」
撰文：《香港仔》記者龍獅
入行近40年的麥包，自從數年前離巢無綫後「食」出新高度，在小紅書不時化身「吃貨」到不同城巿嘗盡好滋味，亦曾回歸無綫節目《大灣區美味好玩攻略》、YouTube節目《包飲包食》教大家去到邊食到邊。本報特地找來這位資深吃貨介紹香港地道美食，分享充滿「港味」的小店，給內地遊客訪港「搵食」貼士。
鍾情港式平民美食
多年來食勻港九新界的麥包，每逢留港必定周圍搵食尋覓回憶的味道，亦會大方在社交平台分享：「我早前去咗深水埗劉森記麵家食雲吞麵，附近嘅文記車仔麵亦係由細食到大，去到依家已經連住幾間舖位，仲有附近維記豬膶麵都好出色！」港島區方面，近鵝頸橋的忠記粥品食出舊日的味道，必食腸粉及皮蛋瘦肉粥。灣仔的三六九飯店也充滿麥包的回憶：「我已經幾年無去過，店嘅裝修格局無變，以往上海嘢都係上價嘢，自己小時候窮，多數都係屋企樓下食饅頭飲豆漿比較平，有錢啲就食生煎包！」他坦言想再訪三六九尋回兒時回憶，最掛住鱔糊、上海粗炒、酸辣湯等。
美食博主吃出財路
街頭美食方面，位於尖沙咀的豪華小食亦是其「主場」，尤其是咖喱魚蛋，牛雜、燒賣等，食得出食材夠新鮮。提到香港最具代表性美食，麥包首推魚蛋粉：「香港好多間名店，東大街安利係我飯堂，仲有德昌魚蛋粉、銅鑼灣潮興牛腩，大角咀英記油渣麵我食咗40年！」另一邊廂，近年麥包擁有自己YouTube頻道，食到邊拍到邊，逾80段「尋味」短片，總點擊數已超過70萬，除了演員及歌手，麥包已建立了美食博主形象，同時亦吸引不同產品找他拍廣告或出席活動，可謂「吃出財路」。
讚香港廚師蒸魚最強
問到可覺食得太多會覺得太膩，他笑言：「唔會！自己都鍾意食嘢，可以睇到食材唔同變化，亦可以了解唔同烹調方式及地方美食。」談到香港最出色的餸菜，麥包覺得蒸魚無敵：「尤其去鯉魚門食，廚師處理海鮮食材及煮法都有一手，蒸魚運用蒜頭令味道提升，帶出食材鮮味！相比我喺馬來西亞、新加坡食海鮮，香港總體嚟講冇得輸！」
男團Hey Brother 「舞」得頂
總年齡近280歲的「中佬男團」Hey Brother去年尾正式出道，麥包率領黃智賢、唐文龍等入行多年的男藝人「無預警」闖樂壇，首支單曲《我為人人》至今已在YouTube錄得約5.6萬點擊，亦成功在網上掀起話題，麥包希望大灣區不同城巿樂迷也聽到他們的歌聲：「我哋個個都年過半百，用歌曲送正能量畀唔同地方嘅人，我哋幾個都度緊一啲Old School嘅嘢，遲啲可能會出跳舞歌，切合我哋幾個嘅年代，好似郭富城、草蜢咁，當然舞蹈會比較簡單，不過都係初步構思！」他坦言Hey Brother自資出歌，因此所有決定也要謹慎，而他們早前在馬來西亞登台，Hey Brother五子曾先後在無綫拍劇，此行亦深受當地觀眾歡迎，麥包承認感到無綫的威力。至於可有憧憬幾位年尾樂壇頒獎禮爭新人獎，他笑言：「我哋肯定係新人，不過到時入圍再算！」
評論