香港文匯報訊（記者 安夏）《阿姐Diva汪明荃演唱會2025》澳門站日前圓滿舉行，全場座無虛席，氣氛熱烈。
汪明荃（阿姐）以《閃爍登場》和《迷人PINK LADY》為演唱會拉開序幕，她先打招呼說：「真係好耐冇嚟澳門啦！」，並特別介紹演唱會雙關設計的「DIVA/阿姐」logo ，她表示：「無論係DIVA又好，阿姐又好，汪明荃仍然係汪明荃係 Liza，我都係將最好嘅一面送畀觀眾。」
阿姐身着金色禮服獻唱《金絲雀》，隨後帶來《秋海棠》《京華春夢》等經典劇集主題曲。她感慨道：「啱啱睇返好多舊劇照都充滿回憶，現場有好多觀眾可能太細個未睇過呢啲劇集，嗰陣時拍劇通告日接夜，夜接日，都幾辛苦，但亦都好感恩透過呢啲作品拍咗好多好嘅劇，令到大家認識我。」
阿姐在演唱鄧麗君的經典歌曲《甜蜜蜜》《夜來香》和《路邊野花不要採》後家英哥登台互動，「好嘢，冇得頂呀，不過阿姐唱歌嘅內容令我好心驚。」阿姐問：「好心驚？」家英哥送上玫瑰花，笑言：「我聽你話，路邊的野花不要採，所以我採家花。」引得全場笑聲不斷。在一番台上打情罵俏後，家英哥深情演唱《儂本多情》致敬好友張國榮。
阿姐還演繹了由宋詞改編的歌曲和粵劇《楊門女將》她表示：「對藝術的追求無分國界，古今中外優秀的藝術形式都值得學習。」
阿姐稱：「今晚有啲歌係用咗新編曲，有耳目一新嘅感覺，要多謝幕後團隊的配合成就一個Good Show，最重要係多謝大家對我嘅支持，因為我唔知仲可以唱幾多次？多謝你哋支持咗我 58 年。」
在安歌環節，阿姐動情表示「我今日係歌手，聽日可以係粵劇嘅演員，我亦都有去做一啲行政嘅工作，為業界做貢獻，每一個崗位我都盡心盡力去做，因為我知道大家對汪明荃係有好高嘅期望，有好多要求，所以我要不斷改進同增值，多謝你哋嘅支持，陪我一齊行呢條娛樂之路。」阿姐與家英家英哥《萬水千山總是情》，為澳門站畫上完美句點。據悉，該演唱會將於5月3日移師阿姐的家鄉上海，6月13日在廣州繼續演出。
評論