兆 文
第三場第三班22000米。「一支箭」一如大多長途馬，來港初期表現一般，多跑之下漸漸入局，去到上季369場踏上正軌，一連兩場拚獲亞軍，去到533場初配田泰安順利開胡，贏馬之後兩戰跑田草無影，上季最後一戰復爭谷草再度報捷。
「一支箭」來到今季五歲更加醒神，首戰跑田草照入Q，跟手選戰三班再贏之餘，尚要首度在1800建功，證明非獨固一味只擅2200米大長途。雖然近四仗未能贏馬，但交出一亞兩季一殿持續見好，繼續由田泰安執韁亦人馬合拍，更重要今次對手大多初跑同程，而此駒四戰獲兩冠兩亞路有專長，仲要抖夠出戰，可以話優劣分明。
第八場第三班1650米。「唯美主義」是一匹細粒仔，過往體重長期在1040至1050磅水平，然而體力極之充沛，上陣出賽多十六次，仲要交出亮麗戰績，取得三冠兩亞兩季。特別在上季長期在田草出賽並成績優異，但因為季尾轉戰谷草劣勢跑第二效果出色，於是今季長期在谷草出戰，季內七戰僅得一次跑田草而已，儘管仍未取得谷草第一W，不過每一戰都跑近，表現不俗。
另「唯美主義」今季體重長期在1060磅以上，有一次更達到1083磅，可見今季仍在進步，所以交出首場三班頭馬只是時間問題，而今仗回配潘頓人馬合拍，排2檔形勢大好。
評論