雲浩影推出第三張個人專輯。

香港文匯報訊（記者 阿祖）雲浩影（Cloud）今日推出第三張個人專輯《TOUCH OF ABSENCE》，以自我成長為題，並與之前兩張專輯主題互相呼應，講述傷痛過後、沉澱自我再重新出發的過程。

Cloud指新碟靚相拍攝場地空間寬敞，陽光透過落地大玻璃滲入，感覺非常舒服，更着重情感上的表達，造型上分別有搶眼的紅色上衣和透視珠片裙，以及高貴的白色貼身長裙，兩套衫均有若隱若現的感覺。她說：「今次嘅衫的確係比較性感，自己都有少少擔心，有做Gym、打下網球同食少啲Carbs（碳水化合物）。呢啲衫都係我平時比較少着嘅類型，好似呢件紅色衫，我平時好少着紅色，為咗迎合主題就嘗試咗好多唔同顏色，表現到雲唔同嘅面貌同狀態。」

團隊利用水和冰去表達雲不同的狀態，其中一個場景，Cloud要躺在玻璃餐枱下，工作人員再從高處倒水至枱上以捕捉唯美畫面。被枱腳包圍的Cloud要在狹窄空間內擺出多個甫士，難度爆燈。另外，身穿珠片裙的她亦不時要蹲低或躺下，絕不簡單。她說：「辛苦嘅係可能要用手踭撐住個石屎地，成個身體嘅力放晒喺度，或者要着住珠片裙要做啲姿勢，呢啲片片全部都拮入肉，雖然辛苦但值得，好期待想睇到成品。」