香港文匯報訊 《Twins Spirit 演唱會》北美巡演，來到最後一站RENO，開騷前遇上當地6級地震，阿SA被嚇醒跳上床縮埋一角、阿嬌天塌下來照大覺瞓，慶幸地震時間很短便停下來，大家也安然無恙。
上周五早上十點多，阿SA還在睡夢中，「我本來重訓緊㗎，突然聽到房門『啪啪』聲，最初以為有人拍門，然後發覺窗門都搖緊『啪啪』聲，我就電話問工作人員，係咪地震呀？佢哋重笑我發開口夢。但係我見到我房浴缸，我放左一缸水，等空氣唔好咁乾，成缸水都搖到有波浪，我好驚呀，未試過感受到咁強地震，即刻就跳上床縮左係一個頭頂冇任何嘢地方囉，我唔知震幾耐嘛，間房天花板上面有個大燈，不過好彩盞燈又冇乜點大搖。但我都驚佢會跌落嚟。」
是次北美巡演，到尼瓜拉瓜大瀑布時，兩人一同於瀑布合照，阿SA於IG上放了她與阿嬌17年前及這次最新影的合照，笑言想唔認老都唔得。但歌迷就留言，兩人像一點也沒變過一樣，同17年前一模一樣。阿SA笑言，「歌迷成日問我，係咪冇食飯，點解咁多年個樣冇變，點會冇食飯，我係今次北美巡演，已經破曬戒啦！又過生日呢，所以咩甜嘢、炸嘢、澱粉質都唔理啦，全部都食齊，哈哈。返香港就要『還』啦，要戒返口同做返運動啦。之後返去就要幫電影做宣傳，到12月尾去英國演出完，先至真正有假放。好期待英國站見下英國歌迷，又好期待之後放假係英國玩。」
至於阿嬌返香港後便返北京工作，對於歌迷大讚佢keep得好，十幾年都咁靚，阿嬌表示好耐冇試過同阿SA一齊巡演咁耐，好開心，今次行程冇咁密，大家都有一齊去行下街影下相玩下咁，細個成日一齊出埠工作個種感覺返曬嚟，無論將來會唔會再有巡演，我哋兩個都永遠會係好朋友囉。」
責任編輯：
梁存希
評論