（香港文匯報記者 梁靜儀）顏志恒(Benson)首次與兩名兒子一同出席活動，適逢今日是父親節，Benson因晚上要開工，已跟家人提早慶祝。
今日是父親節，Benson偕同太太及兩名分別8歲及6歲的兒子一同出席活動，同場還有伍仲衡。說到要在工作中過父親節，Benson表示出席完活動後，晚上還要返酒店工作，因知道今日會很忙，因此已提早一日慶祝同，並收到兩個兒子親手做的勞作及畫，而太太就送了蛋糕做禮物。
稍後Benson跟細仔顏逸熹將會一齊有演出兒童音樂劇，他指兩個兒子絕對有唱歌天份，之前他參加歌唱比賽，他們在電視上見到，就跟住唱他的參賽歌曲《一首歌一個故事》，唱得又啱音，還有他們遺傳了他另一個興趣就是打藍球，不過細仔就比較有表演欲。他又稱絕不反對兒子將來參加歌唱比賽，當兒子搵到自己的興趣，他都盡量支持，就像他為例:「讀書係最重要，但唔係唯一，只要搵到自己嘅夢想同興趣，唔使迫佢哋，佢哋都會搵方法做得好，自己就係一個好便例子，因為我由細到大讀書都唔係叻，我鍾意打藍球同唱歌，只要KEEP住經營，始終會有好成績。」
他又稱今日還是首次父子檔出席活動，酬金不是重要，而酬金已全交太太處理，他又希望之後有人找他們一家四口或父子檔拍廣告，他想拍家居用品或主題樂園廣告。
說到《中年好聲音3》 又展開招募，作為第一屆畢業生的他，可擔心會被分薄資源?
Benson說:「都唔到自己擔心，每次都交足自己嘅功課畀人睇，始終會有人睇到我哋嘅努力，會搵我哋。」
責任編輯：
趙霁
評論