香港文匯報訊（記者 子棠）廖偉雄將亮相本周日晚（16日）播出的扮嘢真人Show《福祿壽訓練學院》。為表敬意，三位主持人阮兆祥、李思捷、王祖藍除了以燦神不同經典扮嘢造型亮相、齊齊向燦神送上「福祿壽訓練學院榮譽博士」榮銜之餘，更分別向燦神其中三個經典表演項目致敬，包括蔡燶華《蝕到空虛》、張惡榮《燦神》（原裝為《掃墓》），及以超經典乜太Look獻唱當年經典搞笑節目《笑星救地球》同名主題曲及片尾曲《Charlie Charlie Chit Boom Boom》Medley。三人表演完畢後，又齊齊衝到台下邀請燦神上台，燦神上台後即拿出當年紅極一時的「笑聲拍板」為眾人「加持」，當中自稱是乜太及《笑星救地球》鐵粉的祖藍開心大叫謂：「願望成真，終於可以畀『笑聲拍板』拍到頭！」更重現乜太金句引爆集體回憶。
與福祿壽及現場眾學員打成一片的燦神，事後認真又謙虛地分享扮嘢心得，期間還技巧地重現了乜太其中一句金句「咁就為之very good喇」：「你要扮嗰個人嘅特點，盡量將佢放大，如果見到旁邊嘅人笑緊，你就放得更大，如果冇人笑嘅話，就轉第二條橋再嚟過，總之要不停變同不停變，咁就為之very good喇！」燦神還不忘感性謂：「喺演藝入面其實模仿係基礎，當你懂得扮嘢時，你就可以做到唔同嘅角色，因為你知道點去加強。演藝界每年可以出好多個小生，但係起碼十年先可以出到一個笑匠，唔係容易架，所以希望福祿壽能夠培育多啲新人。」
除燦神以外，這一集還有六個表演，當中有馮彥中扮「虛志安」上演「我愛Sammi演唱會」 ，還有黃建東扮「So健康」獻唱《從不喜歡孤單一個》加《沒有季節的火花》Medley。黃建東對於要扮演蘇永康大嘆很難，皆因自己唔夠Chok：「阿公係Chok同型，呢方面唔係我擅長。佢哋要我收番啲，但收得嚟又要放，但唔係嘩～嗰種放，係裏面嗰種鬆，我覺得今次好大挑戰。」出名搞鬼的他扮演蘇康期間不忘搞搞震，竟於演唱中途無厘頭拿出紅蘿蔔，並以其重現蘇康經典跌咪事件，笑爆全場。事後評審火火及江美儀異口同聲大嘆東東表演夠衰格，美儀笑言：「係好笑嘅，佢某啲衰格真係好鬼衰格，好乞人憎。」
評論