（香港文匯報記者 子棠）支譽儀（Venus）自參加《中年好聲音》入行後，一直兼顧烘焙店，並於馬來西亞和菲律賓設有分店，日前她接受新城廣播節目《原來生活好快樂》訪問時透露：「零失手整蛋糕係我哋服務宗旨，希望今年可以喺加拿大開分店。」
Venus在好友王灝兒（JW）鼓勵下參加《中年好聲音》，她坦言最初擔心是師奶大變身的搞笑節目，最後聽從對方建議，在比賽中由零開始進發。談到參加比賽最大的得着，Venus說：「喺參賽呢8個月入面，我搵到屬於自己把聲，以前唔知點發聲，但韋綺珊老師教我之後，咩類型歌我都試過。而新歌《Gotta Try》是我的座右銘，作為媽媽同事業型女性，自己嘅人生要自己主導。」
至於家人如何支持自己？Venus甜絲絲說：「我老公好低調，成日唔想上鏡，但佢私下畀好多意見我，例如呢首歌唱直播要點樣唱，作為聽眾，佢會覺得你咁唱會喘氣；我媽咪見到有啲報道會話為你驕傲，佢覺得呢個圈好浮沉，會提醒我當冇咗價值時，就將原有嘅能量去番自己事業。」
責任編輯：
趙霁
評論