以真材實料見稱的火鍋店 「滾得棧」在深井總店開業十七年，其後在天后開分店，再開油麻地店;不過最近油麻地店消失了，老闆梁志偉透露原來業主加租他們搬咗去尖沙咀棉登徑華楓大廈，喺粵菜雲來軒嘅舊址，目前試業，日內正式開張。他自問是良心僱主，疫情幾年，他們都堅持做下去，一個員工都沒被裁走，如今復常又承受加租之苦，做飲食業的確不容易。

梁志偉是個腦轉數快的人，他在尖沙咀的新店決定中午做茶市，晚上做火鍋，希望店盡其用，可惜人手短缺，已經引入智能機械人運送食物，但身為老闆夫妻二人都要落場協助捧餐。梁志偉就是甚有創意的人，喜跟師傅研究湯底和特色菜。這間新店有甚麼新菜式？會加強海鮮品種，例如桂花蚌、鮮鮑魚、花雕醉蝦、龍蝦及象拔蚌刺身配日本青酒，客人可慢慢食，因營業到凌晨2:30，想吸引不同年齡層。

「滾得棧」講究食材新鮮，火鍋湯底、食物選擇多樣，以花膠響螺雞湯底最受歡迎，超大碟大舊嘅花膠，雞湯底濃郁好飲飲完碗湯再放食材，一舉兩得。仲有胡椒豬肚湯底、潮州湯底、木瓜豬骨湯底、四川麻辣湯底、海底椰濃豬骨湯底等等。 有招牌手切牛頸背，雪花紋靚，新鮮的紅白色，是靚牛的象徵，塊塊厚切，入口彈牙又爆出肥美的牛肉汁。傳統的食材他們自製手打四寶丸是真材實料，入面肉餡多粉少，口感完全不同其他買急凍包畀你，他們的蝦丸、墨魚丸、牛肉及鯪魚丸、象拔蚌丸全部新鮮整出來，你看到丸的膠着狀態，沒有半點雪藏感，還有他們的梅菜豬肉餃、餃都是當天新鮮現包，很家庭式的味道。大大片的脆骨腩比其他店實在，香港人打邊爐必食的炸午餐肉、墨膠釀油條，新意的有例如花雕醉蝦、花雕牛展。小菜辣雞煲、炸蝦餅、生炒糯米飯都好好味。難怪能留住舊客。新店位置較隱蔽，識搵食的人就會找到。

記者︰焯羚

拍攝：焯羚

剪輯︰雨文、木羽

責任編輯： 木羽