位於上環的順·和の味，是香港首間引入日本福岡水炊鍋的日本料理店，餐廳裝潢以現代日式居酒屋做主題，菜單設計極具和風feel，追求地道日本菜的人會很合心意，也適合與朋友聚餐或是商務聚會。多款招牌菜都是老闆Alex、Ying Man和大廚Ringo的精心炮製。據職員透露其中水炊鍋，是老闆一齊到福岡品嚐不同的水炊鍋店，掌握了正宗味道後，才開設此店。◆採、攝︰寧寧
順·和の味強調食材大多數來自日本，烹飪製作方式日本化。多款和式食物畀你選擇，串燒、香葱豚肉卷、芝士年糕、定食，火鍋等，好似鱈魚乾、串燒牛舌、燒雞翼、燒蘆筍、秋葵、牛肋骨，其中雞肉丸串燒最為特別，先將醬汁同雞蛋混合，然後再點在雞肉丸串燒之上，美味程度加倍！
蘆筍、秋葵輕輕一燒亦保留到爽脆的口感，值得一讚。中午可以叫牛丼定食、左牛肉烏冬定食、自家製雞肉丸丼定食，定食包括小食、醃菜、沙律、茶碗蒸、麵豉湯、蕨餅、主食，同一杯飲品。晚餐可以食福岡水炊鍋、土雞土鍋定食。前菜有螢光魷魚、芥末八爪魚、日本海蜇，其中八爪魚微辣。日本地雞海鮮鍋非常豐富，有雜菜、油甘魚鮫 、日本魷魚、日本蠔、海老、大蝦、蜆等。
多款食法的水炊鍋
特別介紹水炊鍋，就是源於日本九州福岡的傳統料理，普通的水炊鍋大多使用昆布湯底，順·和の味水炊鍋與傳統火鍋不同，水炊雞鍋是用日本雞華味鳥的骨熬煮而成嘅湯底，非常清澈而且充滿骨膠原，雞湯好正，用肉質滑。水炊日本走地雞海鮮鍋，有不同食法，第一次先飲一口湯，再食其食材。
第二個食法就是加完海鮮之後，湯頭會有不同的分別，明顯再變成另一種鮮甜，多咗海鮮的調校之後又係另一個感覺 ，加上佢全部嘅海鮮大都由日本嚟，好似蠔同魷魚，仲有最出色嘅油甘魚鮫，油甘魚鮫油脂肥美，令成碗湯嘅層次多咗好多。最後加上日本脆米飯，就煮咗個粥底飯，又係第三種食法，基本上層層遞進有起承轉合，好正，加多個茶，又可以變茶漬飯，係一流嘅享受，唔係好多地方有的。
另外，走地雞土鍋飯，雞和飯的味道特別香。廚師用上日本青森縣米製作米飯，來自日本雞新鮮肉又加上自家調過的汁焗，攞出嚟嗰一刻都聞到濃香，雞肉又滑又嫰。
評論