香港文匯報訊（記者 子棠）魏浚笙（Jeffrey）到新城廣播接受訪問，見Jeffrey早前因拍戲傷頸位已差不多痊癒，但仍留有疤痕，他表示：「冇鬚根嘅位置會好快啲，有啲位剃完鬚會發炎。」
Jeffrey新歌《白色踢死兔》是一首充滿野性的暗黑歌曲，並用上瘋癲的旋律來演繹「The Show Must Go On」的態度。Jeffrey表示：「因為The show must go on一直係我做呢行嘅座右銘，以前做騷嘅時候，好多時會遇上耳機冇聲、支咪冇聲，或者你個人狀態好差，好多嘢可能都會發生，但唔代表入場嘅觀眾要承受呢啲嘢，或者畀你嘅負面能量影響。」
為了釋放工作壓力，Jeffrey透露會跑步和做Gym，除此之外就是改變自己的心態：「呢一年改咗自己嘅諗法，當我冇期望，我就冇咁唔開心，好多嘢因為你太在意，你才會覺得攰同嬲，但你唔介意嘅時候，就唔會有呢啲感覺；雖然唔係每次都做到，但我會舒服啲，亦唔需要咁執着。」
評論