香港文匯報訊（記者 阿祖）BIG FOUR將於8月9日至11日在紅館舉行一連三場「BIG FOUR HAPPY TO SEE YOU ALL演唱會2025」，門票早已售罄。隨着演出進入倒數兩周，BIG FOUR成員張衛健（Dicky）、許志安（安仔）、蘇永康和梁漢文（Edmond）正緊鑼密鼓加緊排練，為歌迷準備驚喜。
梁漢文笑言：「一定唔可以忘記有人要練蜈蚣彈同埋林峯凳 ……」眾人即追問張衛健練習進度如何？他幽默回應：「使唔使用2,000幾呎排舞室嚟練？你畀個廁所我練吓就得㗎啦！」Edmond對他甚有期望，說：「你要做三十幾下，成條沙甸魚咁，動作幅度大過林峯好多！」安仔突然爆料：「聽講你訂製了張凳！」Dicky不否認，但表演什麼就大賣關子，笑說：「係訂咗張凳，但唔係姓林，係姓張，今次擔保大家一定未見過我哋咁做。」他預告大驚喜，還笑言叫人上網撲飛，安仔和蘇永康立即提醒他門票早已售罄。
蘇永康透露，四人將合奏樂器，佢哋花費大量時間去排練，尤其Dicky格外投入，付出好大努力。Dicky笑稱：「光宗耀祖就靠呢一part。」之前BIG FOUR試過兩次在台上夾Band，分別在BIG FOUR演唱會和安仔個唱上表演，Edmond說：「今次延續返個傳統，但肯定同之前表演好唔同。」
四子越練越fit ，被問會否騷肌派福利？安仔表示不一定性感，但造型特別。Dicky笑言建議安仔着旗袍唱《喜歡你是你》，Edmond加入爆笑戰團：「開衩高到上腰。」四子一碰頭就連場笑料，今次肯定唱爆和笑爆紅館。
評論