香港文匯報訊（記者 梁靜儀）蔡潔、陳瀅、劉穎鏇、劉佩玥、羅子溢及丁子朗等昨日到天水圍宣傳劇集《執法者們》。
活動上，蔡潔和丁子朗鬥快致電給黃宗澤（Bosco），最終蔡潔成功獲Bosco接電話，並問Bosco為何不出席宣傳？Bosco就解釋因要開會，但會跟大家收看大結局，期待收視能達30點。劇集快將播出結局，問蔡潔會否不捨得？她坦言都會不捨得，記者笑問她是否最不捨得Bosco？她笑說：「唔會呀，我諗我哋會再合作，聽聞新劇都有Bosco，你知啦，佢一哥嚟㗎嘛，套套劇都有佢。」
提到Bosco被拍到偕戴口罩的女伴前往吉隆坡睇韓國G-Dragon（GD）演唱會，蔡潔即否認是相中女仔，她說：「好明顯唔係我啦，嬲呀！唔請我睇GD，我知道係我哋啲同事，聽講係一班朋友去睇騷，當晚有其他藝人去，（一班朋友都唔預你？）係囉，真係有冇搞錯呀？嬲，下次要屈佢請返我睇，如果佢約我請我睇騷，梗係去睇啦，（兩個去睇？）唔得，一定要請晒大家一齊去睇。」
陳瀅與劉穎鏇異口同聲表示劇集進入結局周有點不捨，都期待開拍續集。劉穎鏇指今次是難得的學習機會，因飾演陳豪助手，可以在法庭上見到前輩吳啟華、林嘉華、宣萱演繹受審戲。陳瀅亦表示認同：「以前啲演員比較多機會同前輩交流，但我哋呢一代好少機會能同大前輩合作。」
評論