香港文匯報訊（記者 子棠）英皇旗下女團VIVA日前舉行首個粉絲見面會，慶祝出道剛滿一周年，得到百名粉絲熱情應援令她們感動得化身成「喊包女團」，由開場喊到完場。會上更首次公布粉絲官方名稱為「Vitamins」，寓意彼此像維他命一樣互相滋養、補充能量。
VIVA回憶起當日進場瞬間仍難掩激動，「一入門口嗰刻見到有咁多人出現，係超級無敵愕然，個畫面係有啲嚇親。第一次有咁多fans聚埋一齊，有好多唔熟悉嘅面孔，所以好開心可以認識到啲新嘅朋友。」4位成員現場分享感受時，Ada一開口便哽咽到說不出話，事後她自爆原來一入場已經眼濕濕，「覺得好似終於有俾人睇到嘅感覺，原來真係有咁多人支持我哋。」隨後Macy跟ValC在訴說自己感受時亦感動到落淚。
提到最深刻的事，Ada跟Macy均表示是讀信環節，Ada坦言讀信環節令她覺得跟fans距離拉近，「我哋真係好單純咁直接同fans坦露我哋嘅諗法，或者對佢哋嘅愛意。當讀信時他們專注聆聽的眼神讓我感受到真正的聯繫。」Macy則指自己讀信時，見到很多fans很感觸，有些fans更忍不住流淚，「我們並非每次舞台都做得一百分，作品也未必很多人聽過，但他們依然選擇愛我們，這份信任是最大的鼓勵。我哋都希望可以成為佢哋嘅精神支柱，可以畀到大家一啲能量，同時佢哋都帶畀我哋一啲好深嘅能量，令我哋繼續行落去。」
一直表現堅強的Carina最終也被經理人安排的粉絲告白環節擊潰，「我最尾都有喊嘅，亦都係我最深刻嘅moment。有個妹妹好認真、又好可愛又好sweet咁話，『好愛你哋、我好鍾意你哋。我唔知講咩好，淨係諗到呢兩句。』能把『愛』說出口對我們而言已非常珍貴。」
評論