馬來西亞電影《OMG！阿媽有喜》中，袁詠儀（靚靚）飾演高齡產婦，她笑言若真的發生她也沒所謂，不過兒子「魔童」已經18歲，她快有機會做阿嫲，她反而會提醒兒子同女仔要慢慢講、要氹，應先放眼世界，因為當父母真的責任重大，不能兒戲。靚靚做開明阿媽，笑言：「我唔止溫柔，係好善解人意！」
談及接拍原因，靚靚表示被題材吸引，認為高齡產婦或者現世代越來越遲婚現象已是全球普遍，加上劇本又肯多次修改好有誠意。雖然導演以拍廣告和短片為主，加上戲中對手自己亦不太認識，但在馬來西亞頗具知名度，這種新組合反而讓她期待突破既往形象。拍攝過程中她完全放手，因此整個拍攝過程很愉快。
相比香港快節奏拍攝，靚靚直言今次拍馬來西亞電影感覺比較「Chill」。導演知道拍攝流程，演員又有準備，不會浪費時間在劇本上，只集中在現場走位，希望拍出多點變化，其餘時間就從早到晚都不停在吃。作為唯一的香港演員，靚靚坦言初期不適應對白節奏，戲中「阿女」黃潔琪（Miko ）要跟她鬧交，駁嘴都不能慢，要令阿媽鬧不到返轉頭。問Miko覺得這個阿媽如何？她仍戰戰兢兢地說：「阿媽好好，拍之前見靚靚姐是勁緊張，驚自己不停食螺絲，但第一日拍就反而唔驚，因為大家有走位，所以NG都好少。」問靚靚是否很嚴格？她表示也不會，只是要求高，靚靚亦表示會讓大家第一二日先熟絡，習慣節奏和氣氛。Miko又如何打破隔膜？她笑言是靚靚姐主動破冰讓拍攝順利。靚靚聽罷笑說：「唔好講到我咁惡啦！」
談及若靚靚現在懷孕確屬高齡產婦，她笑言：「我不介意，因為我本身喜歡小孩，但這個年紀生仔需要周全計劃。養育責任重大，我兒子已18歲，我都告訴他今後的人生要自己走。若我現在有孩子，我都希望能陪伴小朋友到18歲。」問她又有否跟老公張智霖（Chilam）談論這個話題？她笑說：「你知張生好佛系，很隨緣，其實我50歲前好想要二胎，但老公一句『你忘了當年申請學校多難嗎？』呢句就令我打消念頭，無奈個天覺得你照顧一條友夠啦！」
「魔童」又會否想多一個細佬妹？靚靚回憶兒子七八歲時全家曾努力想添丁未果：「阿仔就喊得痛苦過我，但努力過就好。」對於「魔童」的戀愛問題，她開明表示：「我不反對佢戀愛，佢已會問我女生為什麼忽冷忽熱，我趁機教佢要理解女生情緒變化，同女仔要慢慢講、要氹。」提到現「魔童」已18歲，她有機會很快便抱孫？靚靚幽默道：「係啦，我老公把口都咁講，我就叫阿仔睇多啲世界，別過早承諾。做咗父母有好多嘢要去負責，唔係講囉！過多幾年先，但當然唔希望成30歲先至生，因為我驚我唔夠力湊孫，不過佢畀我湊就湊，唔畀就玩囉！」
鼓勵新導演厚積薄發
談到馬來西亞近年電影市道不錯，靚靚表示在當地拍攝時另外都有幾組戲在開工，加上當地氣候宜人、團隊專業，不論馬拉人和華人也相處融洽，還能品嘗多元美食，拍攝環境着實很不錯。但會否慨嘆港片現產量減少？她認為每個地方都有轉變期，新導演正在用新題材傳承香港文化。這需要時間沉澱，以前一批導演也是從這樣開始做起。她鼓勵大家說：「一步一步嚟啦，係大氣候，唔只係香港電影，大家要努力！」
靚靚指其實都很想拍新導演，但不知為何都沒新導演來找她：「可能俾你哋成日講到我好惡，都沒人敢找我！」記者取笑她本質好溫柔，她更正說：「我唔止溫柔，係好善解人意！不過阿仔同我哋想法好唔一樣，所以都想探索一下，而之所以拍呢部戲正是想探討代際溝通，現在教育不能單靠命令，要傾聽子女想法。所以我都想拍吓新導演，話畀我聽𠵱家世界到底係點，方便同我個仔溝通。」 ●採、攝：香港文匯報記者 阿祖 場地提供：MCL K11 ArtHouse
評論