香港文匯報訊 李幸倪（Gin Lee）今年第二首新歌《白夜行》上架，這次更是「近水樓台」找來剛於啟德開完騷的同門師兄謝霆鋒出手作曲兼監製！
Gin笑言今次是「膽粗粗」邀歌，自爆當初只抱着隨緣的心態，而且認為除了音樂，電影合作都可以，Gin說：「就係想合作，一係寫歌一係拍電影，總之有得合作就好開心，咁乜都試，哈哈。」誰不知霆鋒真的擺上心，寫了一首連Gin都覺得難唱的歌給她，而霆鋒則笑言：「最鍾意幫人寫咁變態難唱嘅歌。」
Gin透露霆鋒寫歌前做足功課，將她的舊作都聽了才落筆，「佢需要了解我嘅聲線、唱法、風格。聽咗我好多歌，覺得我嘅實力未有真正被發揮出嚟，所以就特登寫咗咁難嘅歌畀我，激發我嘅潛能，呢個係佢嘅一番好意，我亦都非常樂意去接受呢個挑戰。」隨後霆鋒又透過經理人問她三個「個人Keywords」：「我糾結咗好耐，最後只係交到『無拘無束』同『自由奔放』兩個，第三個真係諗爆頭都諗唔出！」後來霆鋒見到她更搞笑投訴：「你呀！叫你畀三個，你畀兩個！一定係糾結到死啦！」Gin大笑說：「佢真係好了解我，可能大家都係處女座。」
霆鋒百忙中監場錄音
新歌難唱到令Gin錄足三日，去到第三日錄音，霆鋒更於自己開唱前十二日親自監場，「佢特登抽時間同我錄音，我真係受寵若驚！」
今次MV遠赴雲南小鎮取景，Gin自嘲擺大烏龍，「出發前睇咗天氣報告以為好凍，帶齊啲冬天衫同羽絨，點知去到先發現原來當地三十幾度！因為我哋睇咗個地區係一個大啲嘅範圍，但我哋拍嘅地方係一個小鎮，原來兩個鐘嘅車程個天氣已經非常唔同。最後羽絨冇用，要靠退熱貼同風扇續命！」雖然拍得辛苦，但Gin見到成品都即時叫了一聲，她大讚：「內地團隊超專業，早幾日就去現場Rehearsal（綵排），每個鏡頭都十分精準，靚到癲！」
評論