周嘉洛、陳瀅、朱敏瀚（朱仔）及王灝兒（JW）2022年因拍攝《痞子殿下》成為好友，時隔兩年四人再次攜手演出古裝喜劇《痞子無間道》，友情起暗湧，JW自爆被朱仔鬧喊，朱仔認衰道歉：「係我態度唔好。」JW明白大家對事不對人，笑言無損友情，盼再合作。 ●採：香港文匯報記者 梁靜儀 攝：黃艾力
這輯《痞子無間道》故事跟上輯沒有承接，角色上亦完全不同，劇情講述費仁（周嘉洛飾）被派往壹將宮城尋找失聯間諜，陰錯陽差下竟成徐意門門主符玲（陳瀅飾）的候選夫婿，而JW與朱仔飾演的高強及慕容恭梓角色，亦比上輯更搞笑。
兩年前四人因合作成了「最佳拍檔」，這次再度𢹂手演出，竟然出現摩擦，大家都變得執着及各執己見，朱仔承認因自己說話太狠而鬧喊JW：「今次大家講話都直接咗，冇修飾，加上拍攝時間緊迫，好多時講話會直接到Point（點），做嘢要快、狠、準，但因為太狠，令到JW唔開心。」他又認衰向JW道歉：「我承認自己態度唔好，做錯咗，鬧喊佢。」
被朱仔鬧喊的JW，舊事重提時帶少少不忿說： 「佢態度惡劣，雖然冇爆粗，除咗講話直接，仲好入戲，唔開機都仲係戲入面。（即係衰格？）係喇，係好入戲，我好尊重佢，只係我個人比較敏感，變咗佢可能唔太客氣，佢一路都試探緊我的底線，都知我嬲。」JW指拍攝時大家都好大壓力，拍攝時間趕加上睡眠不足，但又想做好件事，而她拍戲經驗又比較少，所以要時間適應。問到朱仔事後可有向她斟茶認錯？JW指大家拍完當日都有傾返。朱仔追問JW是否接受解釋及會否再提件事？JW就帶笑說：「接受……我都唔記得㗎喇，不過做訪問要搵話題，大家已經冇芥蒂。」
嘉洛讚JW演技轉數進步
朱仔不諱言也是第一次整喊人，不過大家的友情都因此而加深了。問到下次還會否同朱仔合作時，JW即說：「都想再合作，我入TVB就係想演戲，可以同佢哋三個合作，我好幸運。」鬧完喊完都想合作，明白大家對事不對人，朋友就是這樣。
陳瀅就認為演喜劇很難，要成功有很多因素，除了演出的節奏、對手演員的配合外，劇集是否受歡迎，還有播映的時間都要配合。她自言為了搞笑演出豁出去了，完全沒有包袱。JW亦稱沒有歌手包袱，只是擔心自己的音調及誇張演出，不知觀眾是否接受。
至於周嘉洛就安慰JW，讚她在演技及轉數方面已有很大進步。說到他與陳瀅這一對，嘉洛認為今次大家比較夾得來，但今次陳瀅有時會出奇不意，都令他接不上對白。另外，他與朱仔兩男亦有吻戲，二人齊聲表示不會抗拒，嘉洛更搞笑地說：「我係專業演員，任何唇都係一塊唇，拍完後亦都冇愛上朱仔。」朱仔笑言絕對肯定大家不會愛上對方，反而加深了兄弟情。
朱敏瀚 服裝：Dunst @Harvey Nichols 化妝：Chloe Yu
JW 髮型：Hugo Poon @PRIVATE i salon
陳瀅 服裝：yanyanknits 化妝：makeupvanessa
髮型：singglam_ysl @ilcolpogroup
場地：花圖
評論