香港文匯報訊（記者 子棠）張智霖及吳鎮宇這對好友再度於甄子丹任監製及主演的新片《誤判》合作，近日他們接受HOYTV主播訪問，分享拍攝趣事。
張智霖表示在拍攝現場，見到鎮宇就會很安心，因為一定會有很好的伙食。張智霖稱拍戲講粗口有難度，並笑言這方面不及吳鎮宇講得好聽兼沒有攻擊性。
鎮宇於戲內有一場「單挑」甄子丹的戲份，他笑言是為大家發聲：「甄子丹一向係宇宙最強，一個打十個，觀眾都好想見到佢被人打﹐但今次佢演檢察官，點解唔可以被人打呢？佢聽到我話咁想打，就畀個機會我打佢。我當然唔敢咁大力打過去，我冇練過武術，驚佢震返我轉頭，會骨裂呀！」鎮宇又表示很開心可以和「阿姐」汪明荃做對手戲：「其實久唔久都會見到阿姐，佢見到我會話，嘩！乜你咁大個㗎喇！其實佢畀面唔用個老字。另外，同許冠文用同一個化妝間，就可以知道佢嘅私生活係好檢點！哈哈！講笑啫，我發覺佢對所有事物，都仲有一個好奇心，好似好耐冇出到市區咁，乜嘢都會問，乜嘢都會驗。」而張智霖就跟呂良偉和鄭浩南比較多對手戲，他表示可以同兩位前輩合作，非常愉快。
其間鎮宇回想起自己小時候，曾經被父親未審先判：「個感覺係非常唔舒服，我平時係曳，但係嗰次真係唔係我錯，所以現在對個仔，好少會有咁嘅情況發生，因為如果誤會佢嘅話，佢個反應會好大；如果佢真係有錯，佢就會搵藉口輕輕帶過。」
評論