香港文匯報訊（記者 梁靜儀）昨日肥媽與黑妹（李麗霞）及表演嘉賓羅敏莊及黃劍文為「肥媽笑住唱演唱會2024 Part 2」綵排，肥媽透露表演嘉賓還有古淖文及譚輝智，並透露屆時會三個鐘唱足三十多首歌，所以要刪減歌曲十分頭痕，黑妹笑言因為驚超時罰錢。而肥媽與黑妹都為了演唱會門票問題頭痕，說到他們可以加場解決「飛債」問題？肥媽說：「都冇地方，（加日場？）咁辛苦做咩，唔好玩殘自己。」黑妹笑說：「下一次我哋揸住柺杖唱。」肥媽又聲明門票劃位的事宜都由黑妹負責，所以座位好與不好完全不關她的事。黑妹說：「各位朋友千祈唔好嬲，事後我請大家飲茶。」
此外，伍仲衡被TVB「炒魷」踢出《中年好聲音3》的評審一事，肥媽表示消息傳出當日她還問陳欣健可知發生什麼事？肥媽指睇報道電視台高層已有聲明：「都冇理由為咗一個女仔，咁個女好真係好犀利咩？」至於是否因搶簽一事她就不清楚，肥媽又說：「我哋啲評判經常都會換，（你們四位台柱評判沒有更換過？）邊個話㗎？唔可以咁講，我同佢哋係同一日開始做，或者有一日換我呢，節目有專程請劉美君返港當評判，評判越來越犀利，我唔介意，要睇公司安排。」
伍仲衡話可能是因為他畀分手緊，拉低了參賽者分數而被炒？肥媽也不否認：「我唔知呀，佢一向都手緊，我一向都手鬆，可能有一日話我手好鬆呢，（可覺得電視台小器？）我又唔覺喎。」
羅敏莊表示今次專程由泰國回港支持兩位阿媽（肥媽及契媽黑妹）。黃劍文日前在《歡樂滿東華》與譚輝智及劉威煌合唱《朋友》，獲狄波拉（拉姑）豪氣捐出100萬元支持。問到黃劍文可羨慕譚輝智有一位像拉姑一樣的富婆粉絲？劍文笑稱沒有，又表示很感激黑妹姐的愛護，對方除邀請他參與音樂會外，他舉行演唱會或演出音樂劇，對方都會購票來支持。身旁的羅敏莊就搞笑說：「譚輝智有拉姑，你就有黑姑。」
另外，對於伍仲衡稱被TVB「炒魷」一事會否感到可惜？劍文指：「當年我參賽時都好手緊，（所以飛起伍仲衡更好？）嚴謹有嚴謹嘅好，有時唔同評判有唔同嘅火花。」羅敏莊也認為不同評判給予參賽者分數時有高有低，更笑說：「所以伍仲衡叫伍平衡囉。」
評論