香港文匯報訊（記者 梁靜儀）劉威煌、顏米羔、梁浩賢及甘永傑將於本月16日於旺角麥花臣場館舉行一場《ZONE D FUNtas4ic 音樂會》，昨日四子出席記者會，並透露正積極操fit。
距離演唱會不足半個月，梁浩賢表示正積極操肌， 希望對觀眾有個交代，又笑言這機會等了30年，谷到要爆發。問是否準備在台上騷肌？劉威煌笑指這是作為藝人的責任，甘永傑就稱是個好藉口，可以好好操弗自己。
劉威煌又表示最近睇了很多演出作學習，而歌單亦揀好，從過百首歌中揀出二三十首歌。問到他們可有因揀歌而嘈交？顏米羔笑說：「日日都好嘈， 我哋唔想做花生酥，所以每首歌都係精挑細選。」梁浩賢則讚大家的主動性好強。劉威煌表示由收到通知要做show，3日內便搞掂演唱會名稱、海報、歌單及流程。說到安排得好急？劉威煌指大家都好驚喜。問到對於賣飛可有壓力？顏米羔說道：「唔諗呢樣，只諗點做好個show，內部已認購過半。」至於可想加場？顏米羔笑說不想：「我哋想開part 2，因為我哋不止4個。（今次點解冇預譚輝智？）所以佢嬲到上遊輪同埋不停食拉麵。」
他們又指8個兄弟一齊做音樂會好難，要做6個鐘才夠，所以今次分小組做，下次輪到譚輝智。問到今次可會扮卡通人物跳唱？他們着歌迷期待一下，會有集體回憶。 劉威煌就呼籲入場嘅觀眾少飲水，因為怕大家冇機會去洗手間。
另外，顏米羔前晚出席活動，表示自己以前住村屋，跟樓上樓下互相照應，正如當日參加《中年好聲音2》都不會視為比賽，會同其他參賽者互相幫助。他透露近來多了工作，亦因此想搬屋，想搬近市區，有多些休息時間。 問到收入多了，可有考慮置業？他謂習慣租樓，故未考慮買樓，反而想過農村生活。
評論