香港文匯報訊（記者 子棠）譚輝智近日接受電台訪問宣傳首支派台歌《多麼感激》。他自言沒想過能於歌唱競賽節目《中年好聲音2》總決賽摘下亞軍，令其富爸爸譚握籌的背景被揭；不過亦因為富爸爸及家人影響，才讓他人到中年重拾唱歌興趣，並且是全家人夾計令他參加比賽。譚輝智說：「爸爸本身好唱口，亦鍾意唱歌，並且由《中年好聲音1》已經集集追，仲話啱我；到第二季宣傳就不斷叫我去參加，但我根本無上心。最初係阿妹話想一齊跟李佳老師學唱歌，點知去到就得我自己學，李佳老師仲幫我報名參加比賽。面試當日，其實我到電視台門口曾想縮沙，但回想係開心嘅，成個過程最大得益係自己勇敢咗，爸爸都為我驕傲。」對於吸引到狄波拉（拉姑）青睞，譚輝智坦言也問過拉姑，「我問過拉姑佢個仔（謝霆鋒）咁出色點解會鍾意我，拉姑話唔係因為我唱歌，只係鍾意我生到咁嘅樣都夠膽上台，哈哈。」
譚輝智更指《多麼感激》這首歌除了感激粉絲外，還是送給愛妻的。他指最初是被太太像大姐姐般很會照顧人的特質所吸引，現在的太太更是「唔話得」，不單支持他參加比賽，還為他擔任歌迷會主席，處理一切大小事務。問及太太會否擔心他加入複雜的娛樂圈，會像「中2生」鄭梓浩般惹來狂峰浪蝶？他笑說：「太太睇到我咁嘅樣，都應該唔會有狂蜂浪蝶，會好放心！狂蜂浪蝶從來無在我身上發生過。」
評論