香港文匯報訊 TVB劇集《巨塔之后》早前出發到布拉格取景，前日劇集剛煞科，演員之一陳楨怡（Celina）分享在當地的所見所聞。Celina說：「今次係第一次去布拉格拍外景，所以心情都好興奮，對上一次去歐洲已經係5年前讀書的時候，所以自己對呢個Trip都期待咗幾個月。坐咗18個小時機去到布拉格，日日都要開工，不過在放工的時候會抽時間去行下特色的地方，食到好地道的豬手，分量好多好大，性價比好高。跟住就坐咗馬車啦，由細到大睇電視一路都好想坐馬車，20分鐘圍住布拉格廣場轉咗個圈。」
Celina認為今次拍劇劇組的氛圍都很好，每一晚大家放工後都會聚在一起食布拉格菜，她還指與前輩宣萱去行特色教堂，並叫對方做「宣萱姐姐」：「成個劇組都叫佢『姐姐』，因為佢真係好似個大姐姐照顧我哋所有人。」
Celina坦言與劇組相處3個多月，煞科後，她大感不捨：「因為真係好似一個family，相處得好開心，當然好多謝佳導（鍾澍佳）畀機會，同認識咁多位前輩，大家都好照顧我，教了我很多，所以今次呢個拍攝真係收穫了好多。」
評論