香港文匯報訊（記者 梁靜儀）無綫助理總經理（藝員管理及發展）樂易玲及製作部高級經理(非戲劇製作)何小慧，昨日亦有現身港姐記者會，對於入圍佳麗質素，樂易玲表示當中大部分都是其心水之選。提到有參賽者指港姐合約太辣，因而引發退選潮，問到之後會否放寬合約？ 她承認合約嚴格：「港姐個合約咁多年都係咁，係有啲嚴格，我哋放咁多資源落去，都係想選一個有心為香港出力嘅人，能夠做香港大使，我哋再三同法律部研究過，都係覺得冇問題。」
對於參賽者郭恩程本身有約在身仍跟無綫簽約，她表示不會向對方追究：「有問過佢，有冇同第三方有合約，可能小朋友當年都唔知自己簽咗啲乜，後來返去睇返才發現有約在身，我哋有要求佢自己去解決，但佢過咗限期都解決唔到，我哋唔會追究佢。」至於另一位來自內地的參賽者陳元元，之前被發現在內地張貼海報投票送海鮮，有賄選之嫌？樂易玲指可能對方都唔知這個行為有問題，而且對方本身都唔夠分數入圍，所以沒有影響結果。此外，高調退選的參賽者林瀾，自爆獲TVB高層電話挽留？樂易玲說：「覺得佢幾靚，因為佢嘅工作，公司唔畀佢請假，我哋公司同事打畀佢，我同佢傾咗幾句，叫佢考慮清楚，參賽與否將會係兩個唔同嘅人生，叫佢同家人商量再決定，都有鼓勵佢。」談到今年不少參賽者將面試或合約內容放上社交平台，問之後會否就此作出限制？她不諱言世界不同了，很多年前已有佳麗向傳媒發放內幕，有些人是為增加流量，但認為無論佳麗或藝人，都希望他們能發放多些正能量。
此外，何小慧被問到稍後會否再淘汰佳麗？她說：「應該會，但要視乎佳麗外景集訓表現而定。」
評論