香港文匯報訊（記者 梁靜儀）陳曉華和文凱婷昨日於將軍澳電視城為《警聲百二秒 II》錄影，二人分別以可愛女僕及型格女特務造型亮相。
高挑的陳曉華以一身粉紅女僕造型拍攝，令人眼前一亮，她笑說：「節目入面我係一個幻想中嘅人物，負責扮可愛，今次亦係我人生中第一次扮女僕，好彩仲趕到2字頭着，下年30歲就唔夠膽着喇！」
她表示喜歡看動漫，但入行5年來一直沒有機會扮演漫畫人物，她笑言：「自己都有少少怕醜，如果靚性感上陣都可以，最想扮女俠，或者扮《鬼滅之刃》嘅戀柱都好靚。」
文凱婷以特務造型亮相，她表示其角色都是提醒大家慎防詐騙，問她可試過被詐騙時，她反問：「係咪感情上被騙？我冇試過。」
問到去年她被爆搭上跟年長17歲的歌唱老師湛耀東拍拖，更有指因她的介入，導致男方跟女友分手，文凱婷否認自己是第三者：「我哋成段關係正常發生，我亦冇介入任何人做第三者，佢（湛耀東）係完咗上一段感情才開始發展感情，現在我哋感情穩定，拍咗拖就快兩年。」對於被指是第三者，她可有不開心？她說：「我係嬲多於唔開心，有少少被人抹黑嘅感覺。（覺得係男友前度放料？）相信唔係，不過真正關心想知嘅人都已經知，無謂喺呢刻再講。」
有指她因「師生戀」遭公司「雪藏」，文凱婷否認有此事，有段時間少了出鏡，是因為她去了朋友介紹的位於深圳的五金廠做了半年。她又指男友的音樂製作室並沒有受負面新聞影響。
評論