◆倪嘉雯同阿佘合作愉快。

香港文匯報訊（記者 梁靜儀）台慶劇《新聞女王》除了一眾SNK News女主播佘詩曼（阿佘）、李施嬅、高海寧、王敏奕、何依婷等受矚目外，兩大小花鄺潔楹與倪嘉雯（Carmen）亦獲讚顏值高企。

Carmen笑言能在台慶劇中參與度如此高十分興奮，並預告之後集數將更有發揮。談到與阿佘合作，她坦言發夢都冇諗過：「可以同阿佘同框拍劇、做佢下屬，仲要成日朝夕相對真係太開心，我每次開工都心心眼望住佢。」她又大讚阿佘三件窩心事：「佢對我哋所有人都好好，嗰時日日都拍Office 戲好似真係返工咁，阿佘會準備Supplement同湯水畀我哋，又會同我哋Share用開嘅美容機，叫我哋輪住用。好記得我拍緊時喉嚨發炎，生咗粒好大嘅痱滋，吞口水都痛，阿佘見到我食藥，就問我係咪喉嚨痛，當佢見到我真係生咗好大粒痱滋後，佢就話第二日拎痱滋藥畀我。第二日佢係冇通告嘅，點知佢竟然託人帶畀我，再留言教我點樣用同搽，真係好感動。」