◆Nowhere Boys特別準備了兩份禮物答謝子華和楊偲泳。

香港文匯報訊（記者 阿祖）樂隊Nowhere Boys擅長電影式搖滾風格，首次創作情歌《票房毒藥》，今次MV 在紅磡一間舊式戲院取景，邀請到電影《流水落花》導演賈勝楓執導，黃子華和楊偲泳（Renci）擔任故事主角，Nowhere Boys與fans客串扮演戲院觀眾和路人。

主音Van說：「無諗過會發生喺我哋身上，今次獲得子華神嘅加持，仲有Renci，佢哋來自大家都好熟悉嘅電影團隊，真係好勁，多謝佢哋嚟參與演出。」他坦言邀請子華演出原本只是一個天真的夢想，即管向公司提出，結果非常驚喜。他說：「我當初想請子華神拍MV ，因為佢曾經有段時間被形容『票房毒藥』，不過唔緊要，去年佢憑《毒舌大狀》已經成為過億票房嘅電影男主角啦！」他表示當子華答應演出後，才知道結他手Ken原來跟他有一段緣分。Ken說：「幾年前子華嚟睇我哋做騷，完騷後佢問我可唔可以教佢彈結他，所以我教咗佢一段時間。」

Nowhere Boys特別準備了兩份禮物答謝子華和Renci，Van表示一份是暖水壺，並由太太用英文書法寫上Renci的名字，希望她平時拍戲可以沖多些暖飲保持健康；而另一份是由結他手Ken親手製作的結他Cable（導線），原來他手工出色到連外國專業錄音技師都稱讚靚聲。