香港文匯報訊（記者 焯羚 、子棠）亞洲電視前日（6月6日）於大埔錄影廠舉行《亞洲電視66周年台慶》晚會，新任行政總裁徐小明率領董事局及管理層會見傳媒，並舉行啟動禮， 商務及經濟發展局副局長陳百里、陳啟泰、劉永、陳庭威、柳影虹、劉錫賢、鍾叮噹、馮素波及不少前亞視人出席，而內地藝人黃渤更專程錄影為亞視送上祝賀!在成立66周年之際，亞視宣布重新啟航，積極推進數位化轉型，聚焦幾大領域進行產業布局，即數位媒體、數字技術、數位電商和數位金融等。數位媒體將透過OTT網際網絡向觀眾提供串流媒體服務，以拓展生存空間。
徐小明表示：「答應返亞視做CEO其實壓力都好大，因為大家都問，有咩搞呀? 我要求董事局答應我的方案才接手。我最主要目的就係激活亞視，需要有節目製作，因為一個電視台冇製作就好似虛殼咁，初期我哋輕鬆啲，將製作另類綜藝節目，盼吸引更多觀眾點擊。《玩玩大灣》、《A Fashion 愛花臣》、《古董估懂》、《嚇鬼瞞神》、《泰車華》等。還有已成立的《亞視國際新聞台》、《亞視郎財經》，加強新聞力量盡社會責任，由藝人陳美濤、吳玥肜、羅卿娗夥拍馬來西亞新聞團隊，為觀眾提供最新的資訊。羅卿娗表示現主持新聞及旅遊節目，亦有新嘗試挑戰自己：「希望嚟緊會拍新劇集，可以成為未來嘅經典。希望為不同觀眾群提供豐富的內容。亦有人會問有冇錢㗎？嚟緊亞視都會參與一個基金，我哋希望培養到人才，搵到啲好劇本。第一輪募資目標為十億元人民幣。」
望培養人才 提升編劇地位
他又指劇本是一劇之本，無論電影電視，編劇至關重要，希望用基金方法帶動劇本產業，以提升編劇地位。項目已獲眾多影視工作者響應，包括著名導演高希希、高群書、黃渤、著名編劇海岩以及徐小明本人。
陳啟泰表示再為亞視拍節目感興奮：「我為亞視拍汽車節目，最好可以帶埋太太一齊拍。今次節目都好似監製咁，因為我哋老演員都會好多意見嘅。」于天龍、柳影虹（虹姐）、李龍基為晚會擔任表演嘉賓，獻唱亞視電視主題曲，為節目增添氣氛，虹姐表示重回亞視感興奮，希望多製作節目令亞視舊人有工開。更說：「小明哥親自邀請我表演，我問小明哥係咪搵我做節目評判，佢話要你唱歌呀！其實都想做評判，因為咁多年俾人指指點點，都想評吓人哋唱歌嘛。」
李龍基就拒談女友用手袋裝錢一事，唔想俾人誤會，但自爆「我們年尾就會結婚㗎喇，應該唔會大搞，總之兩個人開心就可以。」久未露面的陳庭威感觸亞視台慶，笑言自己「年年十八歲」，保持狀態隨時工作：「大家身體健康、快樂就可以，呢幾年我喺大馬都有做生意。（感情呢？）我仲係自由身。你知以前係『地下情』，唔知邊個咩？咁約出嚟食飯見吓囉。」
劉錫賢呢晚擔任司儀，他表示多年未現身錄影廠，重回舊地感觸良多：「我1988年加入亞視，咁多年都拍過好多節目，令觀眾留低深刻印象，真係好多謝亞視，希望今次小明哥帶領亞視有新形象，令觀眾接受返我哋。」
評論