香港文匯報訊（記者 梁靜儀） Maria Cordero（肥媽）、李家鼎（鼎爺）及游嘉欣（游游）擔任主持的飲食節目《肥媽李鼎》，今晚播出的一集主題是「火爆事件簿」，肥媽講到2歲兒子被19歲𡃁仔暴打致面目全非，她擸刀護子險出事。
愛惜家人的肥媽坦言屋企人是她不能被觸及的底線，她說：「唔好搞到我屋企人，如果唔係老竇都係假。」肥媽一邊炮製「火爆酸辣粉」，一邊說為保護兒子做過的火爆事，她說：「有一年過年，有個差唔多19歲，好大隻嘅𡃁仔，佢俾人用桔掟中後面，我個仔嗰時2歲，哈哈哈喺度笑，佢就打到我個仔鼻腫流晒血，成個面係認唔到樣，個仔一返到嚟就嗌救命，我就咁拎住把刀衝出去，一刀就劈落去，一劈佢就一縮，佢件軍褸爛咗啲棉花出晒嚟。」回憶起當時的畫面，肥媽哽咽說：「冇得傾呀呢鑊，你唔明一個做阿媽嘅感覺，佢（兒子）個鼻爛晒成個樣都唔同咗，你有咩理由咁樣打我個仔，我嘅底線就係我啲仔女。」
評論