香港文匯報訊（記者 梁靜儀）「J2ers應援團」以自身經歷為應屆DSE考生打氣。曾獲傑出學生、以尖子身份考入中大環球商業學的布樂文（JB）原來是「J2學霸」。
為了幫昨日正式開考的DSE學生打氣，J2ers男隊長李爾晨（Kyle）及女隊長何泳芍（Honey），召集約20名J2ers組成「J2ers應援團」，分享當年應考秘聞及趣事，以過來人身份提供應考貼士及放鬆秘訣，並於個人社交網展示中學時期的「薯嘜」、「英偉」、「天然美女」及「不堪回首」Look等。
應考經歷方面，以施焯日（Arthur）最驚嚇，當年死忍肚痛的他最終「失禁」收場：「有次唔記得考咩超緊張，而我一緊張就會肚痛，但又驚遲到，所以就諗住考咗試先算。點知開考咗五分鐘，我就忍唔住要去廁所，去緊廁所中途已經解決咗一半，之後就冇穿底褲考試！」
根據眾人上載文章，更驚揭了布樂文原來還是學生哥，已投身藝人的他，現正修讀工商管理學士（工商管理學士綜合課程）及法律博士雙學位課程。布樂文中學時期不但是學校足球隊隊長，亦曾獲香港學校戲劇節傑出演員獎及香港傑出學生，堪稱「J2學霸」。JB以自身經歷勉勵應屆考生：「你現在可能覺得好迷惘，但唔好感到太無助，呢個只係你人生一個小關卡，相信自己吧！唔好攞自己同人比較，因為每個人條路都唔同，只有你自己先最清楚乜嘢最適合你。」
為追夢逼出上進心
「爆Seed勵志」代表則有Kyle及黃嘉雯(Carmaney），Kyle中學時不但成績差，操行亦只得D-，還經常遲到，後來因老師一句「你讀唔到上大學，打少幾年大專盃，你球員生涯基本上要玩完」，當頭棒喝，為追夢逼出上進心，成功考上香港理工大學。而讀書時愛傾偈又愛睡覺的Carmaney，最終明白「成功唔可以每次靠僥倖」而發奮圖強：「我閉關咗兩年，每一日嘅時間表除咗瞓覺食嘢，基本上就係溫書，我覺得係軍訓式嘅生活。」
評論