香港文匯報訊（記者 梁靜儀）馮允謙（Jay Fung）一連三場在紅館舉行的演唱會《JAY POP LIVE@ COLISEUM 2023》，尾場於前晚圓滿落幕，除邀得張天賦（MC）擔任嘉賓外，更獲「歌神」張學友拍片恭喜，學友更向Jay的爸爸請教教仔心得，並提出條件作交換：「你教我嘅話，我可以做Jay演唱會嘉賓。」
連續三晚擔任表演嘉賓的林明禎，這晚終於「開口」。明禎多謝Jay的邀請：「係好特別體驗，好開心，希望下次不止跳舞，可以一齊唱首歌。」阿Jay即起哄叫她唱歌，明禎即場清唱了幾句ToNick的歌曲《長相廝守》，全場拍掌鼓勵。
MC即場邀歌
擔任尾場嘉賓的MC，與Jay合唱《世一》，Jay表示：「你第一次開紅館請我做嘉賓，所以我第一次開紅館都請返你。」他稱一直很欣賞對方，自言雖然不捨得，但不後悔將自己寫的歌《反對無效》交給MC演唱，並多謝對方把歌曲唱紅。MC又即場叫Jay再幫他寫歌，Jay就提議有寫歌的MC，可以寫給他唱。
Jay又不忘感謝家人對他的支持，他續指自己只是一個喜歡唱歌的普通人，但很好彩有公司為他出歌及開個唱，他坦言：「我可以唱歌係我嘅榮幸。」歌迷卻誤把榮幸聽成遺憾，引來歌迷爆笑，見到粉絲的反應，他才知道自己發音有問題，並謂：「我喺香港咁多年中文都咁差，我會努力學好中文。」
現場又播放「歌神」張學友恭賀Jay開個唱的片段，並向一直很喜歡他的馮爸爸、馮媽媽說：「多謝你哋鍾意我，喺佢面前經常播我嘅歌，恭喜你哋，好成功養育佢成為好體面嘅人，我第一次見佢已經覺得Jay係非常陽光同一睇落去係可託付終身，係好誠實嘅年輕人，我想請教你哋點可以教到個仔咁？我都有個女，教成點唔好講，你教我嘅話，我可以做Jay演唱會嘉賓。」
當晚現場歌迷反應熱烈，完場後仍不肯離去，最後在兩度安哥下個唱才結束。
擔心女友呷醋
完騷後Jay接受訪問，他表示給自己紅館處男騷70至80分。提到邀請明禎擔任嘉賓，可擔心台下的女友呷醋時，他承認都有擔心，稱未有時間同女友坐低傾。（擔唔擔心要跪玻璃？）你哋咁講令我好擔心，我啱啱完騷畀我冷靜吓先。（有冇預先同女友備案？）冇，係一個Surprise。女友睇完騷話好精彩，好以我為榮，希望佢唔好呷醋，我個心得一個人。」 笑問到他現場是否真的有親吻明禎？Jay笑說：「 我唔係咁隨便。」
說到學友拍片，Jay坦言：「事前並不知情。（學友話下次做你個唱嘉賓？）我知紅館開演唱會係好難，今次難得有期，唔知幾時有下次，所以我係好珍惜今次機會，（暑假再開？）唔知歌迷嚟唔嚟睇？我好想帶畀歡樂同開心畀歌迷，呢個係我目標。」
評論