香港文匯報訊（記者 梁靜儀）張敬軒（軒仔）、鄭欣宜（Joyce）及陳蕾昨日到銅鑼灣出席手機活動， 吸引不少粉絲圍觀拍照。軒仔自言是科技迷，以往經常換新手機，現時會揀適合工作的產品。活躍網上的軒仔，被問到過往可有因P圖失手？他笑說：「之前用手機影相，十張只有兩張可以用，但現在十張有九張可以用， 未試過P到用唔到， 都係優化張相。」愛與網民互動的軒仔，透露稍後會有新搞作，他會在IG開新欄目「軒公雞湯」，主要寫類似心靈雞湯的散文及拍短片，會拍攝一些香港靚景。
軒仔所屬的「英皇集團」80周年，問到老闆楊受成博士可有說過會出花紅作為慶祝？軒仔表示都期待，而他最期待的就是聲演英皇80周年誌慶短片，首次有機會跟兩位老闆楊受成博士和楊政龍合作，令他感到緊張，怕自己做得不夠好會被扣人工。軒仔又笑說：「老闆好好，會有花紅派，不過，我哋藝人會『打劫』老闆身上名錶，（你是否在老闆身上財、色盡劫？）色方面留畀楊太，財方面主力係手錶，因為老闆所戴嘅手錶都係限量版，直接喺佢手上除手錶，所以有時冇錶盒。公司內部有藝人『指引』，就係見老闆時要身無長物，老闆見你慘就會畀你。（你打劫咗老闆幾多隻錶？）兩隻手數唔到，最貴嗰隻手錶應該係演唱會上我所戴嗰隻，價值2百幾萬，今日我戴在手上隻錶現在炒價都要2百萬。」
軒仔又表示，旗下藝人生日當天一早就會收到一束鮮花及禮物，而且老闆和老闆娘更會親筆寫卡，真的很窩心。軒仔又稱很欣賞老闆為人慳儉，跟他吃飯吃剩少少老闆都會打包拿走，絕不浪費，這些都是值得向他學習的地方。
5人追求中 欣宜未揀定
身形明顯消瘦了的Joyce，笑言因為近日勤力要為新歌《Glitter Falls》排舞，加上又做gym，不經不覺瘦了。問她是否因有拖拍而瘦了？她稱：「係健康瘦，開心瘦。」她不諱言開心是因享受現階段被人追求，又透露追求者約有5個：「做人最緊要有得揀，不過我未揀定，要諗吓先。今年起碼出多一首歌，現忙緊宣傳同做新歌，仲有其他proiect，唔夠時間分配，唔使多過5個，做人唔好太貪心。」
評論