相隔多年再合作拍電影 張智霖讚宣萱演技更成熟

香港文匯報訊（記者 文芬）《 G風暴》去年除夕上映6日後就面對戲院因疫情而需要停業，相隔接近4個月後戲院終於重開，該電影亦於昨日再度公映，戲中一眾演員古天樂、張智霖（Chilam）、鄭嘉穎、宣萱（Jessica）、黃宗澤、張繼聰、陳靜、謝天華、陳庭欣（Toby）、劉浩龍（師兄）等都相當感恩，電影能再度與觀眾見面。作為反貪風暴系列最終章，製作十分揼本，結尾炸太空館部分都令觀眾睇得過癮！飾演G4的Chilam需要帶領Jessica、Toby、師兄及夏嫣從爆炸現場驚險逃生！

Chilam表示多年未有和Jessica合作，但大家仍是保持良好狀態，他說：「同Jessica其實真係好似噚日同佢合作完咁，再合作我感覺上無太大分別，當然佢𠵱家演技更加成熟，亦都見到佢喺現場好認真，希望每一句對白、每一個鏡頭都能夠做到最好，係好有實力嘅演員！」Jessica就稱今次整個G4團隊大家都合作得非常開心，鏡頭後都會聊天、開玩笑，氣氛非常好。